БНХАУ-ын Шанхай хотноо төвтэй CHCNAV компани нь газар тариалан, уул уурхай, зам, инженерийн барилга байгууламжийн бүтээн байгуулалтын ажлын үр ашгийг дээшлүүлэх зорилгоор 2008 онд “Машин удирдлага болон газар тариалан”-ы хэлтсийг байгуулж, трактор бульдозер экскаватор автогрейдер замын индүү зэрэг механизмуудад зориулсан хяналт, автомажуулалтын системийг хөгжүүлж эхэлсэн.
Тус компани 2022 онд автогрейдерт зориулсан автомат тэгшилгээний систем TG63, мөн экскаваторын чиглүүлэгч систем TX63-ыг дэлхийн олон орны хэрэглэгчдэд санал болгосон нь ихээхэн амжилттай болж, зөвхөн эхний жилдээ 200 гаруй нэгж борлуулагдсан байна. Тус онд "Тав Ди Ворлд" ХХК TG63 системийг “Амиус” ХХК-ийн SEM919 автогрейдерт суурилуулж, Таван толгой–Манлай–Ханги чиглэлийн 470 км авто замын төсөлд амжилттай ашигласан.
TG63 систем нь ижил төрлийн бусад системүүдтэй харьцуулахад 2–3 дахин хямд үнэтэй байсан нь дунд болон жижиг аж ахуйн нэгжүүдэд машин удирдлагын системийг ашиглах боломж олгож, Монголын авто замын компаниудын дунд өргөн хэрэглээнд нэвтрэх нөхцөлийг бүрдүүлэв. Өдгөө Монгол Улсад 24 аж ахуйн нэгжийн 26 автогрейдерт уг системийг суурилуулсан бөгөөд улс орны өнцөг булан бүрт авто замын бүтээн байгуулалтын ажилд ашиглагдаж, авто зам барилгын ажлын чанарыг сайжруулж, газар шорооны ажлыг богино хугацаанд өндөр бүтээмжтэй гүйцэтгэх боломжийг бүрдүүлэн боловсон хүчний хомсдолд орсон авто замын салбарын бүтээн байгуулалтанд үнэтэй хувь нэмэр оруулсаар байна.
